Egjiptianet

Radio

hikusi — Wed, 08 Apr 2026 19:04:14 GMT

radio

hikusi — Sun, 05 Dec 2021 23:21:16 GMT

Loading..Wait 20 sec. or Click To Play

Tallava këndojnë edhe ata që më akuzuan

hikusi — Wed, 30 Mar 2016 21:25:12 GMT

E ndjekin dhe e duan të gjithë, edhe vetë kolegët. I lindur në Ohër të Maqedonisë, ai tashmë është një këngëtarë shumë i njohur.

Karrieren e tij e nisi shume i ri sepse që në fëmijëri zhanrin tallava e preferonte. Muharem Ahmeti aktualisht i martuar dhe me një vajzë është një nga këngëtarët më të kërkuar dhe më të njohur për dasma, ahengje familjare e koncerte të shumta në Shqipëri e Diasporë.

Që në moshën 8-vjeçare ka edituar albumin e parë e që prej atëherë e deri më sot vazhdon të kryesojë toplistën e emrave më të paguar të skenës shqiptare. Ai hap zemrën dhe flet për shumë gjëra për gazetën “Bota sot”.

“Bota sot”: Nisim me fëmijërinë tënde, ëndrrën për t’u bë këngëtar, të kujtohej? Mendoje diçka ndryshe jashtë muzikës apo..?

-Fëmijëria ime ka qenë shumë ndryshe, jo si çdo fëmijë dhe normal kam pasur ëndërr dhe dëshirë që të bëhem mjek.

“Bota sot”: Shumica e njerëzve përfshirë këtu edhe këngëtarë të njohur nuk e fshehin se kanë kaluar fëmijëri të vështirë e të varfër por që sot jetojnë në luks, do doje të kthehesh shumë vite pas?

-Të vërtetën po kam kaluar vështiësi dhe varfëri dhe e di se çfarë do të thotë të rritesh në vështirësi e varfëri që nuk i harroj kurrë.

“Bota sot”:Keni shumë krijimtari, sa këngë e projekte numëron deri më sot?

-Me numër nuk i pëcaktoj fiks por e di që janë shumë.

“Bota sot”: Muharemin e njohin si një supervokal, po si e prezanton veten, përshkruaju me pak fjalë?

-Të them të drejtën nuk e mburri veten kurrë, nuk jam njeri që lavdëroj veten jam shumë i thjeshtë me gjithë fansat kudo që janë nëpër botë dhe pse kam qenë i varfër në fëmijërinë time kam kaluar edhe shumë vështirësi tjera por jam falenderues Zotit dhe këtë gjë do e bëj deri në fund të jetës.

“Bota sot”: Je i martuar dhe ke një vajzë, nuk mendon të zgjerosh familjen?

-Jam i martuar dhe kam një vajzë e me miratim të Zotit ndoshta edhe një djal si pasardhës tim.

“Bota sot”: Po bashkëshortja xhelozon që je i njohur dhe fanset duan të të shohin, të fotohgrafohen dhe të bisedojnë me ty?

-Me bashkëshorten kam shumë mirëkuptim dhe është i vetmi person në këtë botë që më kupton e me pak fjalë nuk e kam xheloze.

“Bota sot”: Si ishte rruga deri në majat e muzikës shqipe, na e përshkruaj pak këtë rrugëtim?

-Një falenderim të madh për mikun dhe shokun tim Xhezair Elezi i cili zbuloj talentim tim dhe realizi albumin e parë, nuk kam fjalë për të por edhe për gjithë shqiptarët kudo që janë që më vlerësojnë për të qenë ky që jam sot.

“Bota sot”: Sot flitet se je një nga më të paguarit, e vërtetë?

-(Qesh).. Unë nuk e them por njerëzit flasin çfarë të duan.

“Bota sot”: Profesion tjetër përveç këngëtarit ke?

-Profesion tjetër jo.

“Bota sot”: Si ju përgjigjesh kolegëve të cilët shpesh akuzojnë këngëtarët që performojnë muzikë ”tallava”?

-Kolegët që akuzojnë këngëtarët tallava nuk e di por e di që për këtë në fillim më kanë akuzuar dhe mua pa arritur këtu ku jam dhe pse është ndryshe kur je ballë për ballë me kolegë të tjerë, por gjithçka për mua ndryshoi në emisionin “Top Show”, me një fjalë secili njeri ka mendimin e vet por sot tallava këndojnë edhe ata që dikur më akuzonin mua.

“Bota sot”: Ke pasur ndonjëherë konflikt me kolegë në ndonjë koncert shkak i kësaj teme?

-Konflik jo aspak unë si Muharem gjithmonë shikoj drejtimin tim pastaj i respektoj të gjithë artistët.

“Bota sot”: Ikën shpesh në Rumani, ke bashkëpunim me ndonjë këngëtar atje e mos mendon të zgjerosh karrierën apo thjeshtë vizita?

-Po udhëtoj shpesh por kam edhe një surprizë për fansat e mi së shpejti.

“Bota sot”: Ke realizuar disa duete deri më tani, me kë do doje të bashkoje vokalin tënd?

-Dueti që do vi do të jetë surprizëm, por shumë shpejt.

“Bota sot”: Ky vit ndonjë projekt të madh

-Këtë vit është një super hit po thuajse gati por vetem pak keni durim.

Rrëfimi tronditës biznesmenit pejan: Si i shpëtova atentatit që ma bënë dy bashkëkombësit e mi në Zvicër

hikusi — Sat, 12 Mar 2016 20:00:50 GMT

Në natën e së shtunës një banor nga Kosova ka qëlluar me armë zjarri një bashkëkombas në Zvicër. Policia e gjykon rastin për tentim vrasjeje.

Tentim vrasjen në Zvicër për gazetën tonë e ka konfirmuar edhe vëllau i të plagosurit Lulzim Berisha, Visari, të cilët janë nga Peja me qëndrim në Zvicër. Visari tregon detajet që ai dyshon se dërguan deri te kjo vepër e tmerrshme e dy bashkëkombësve të tij të cilët po ashtu janë nga Peja.

“Vëllau i im Lulzim Berisha nga Peja është një biznesmen i suksesshëm në Zvicër. G. B. dhe A. B. (emra e plotë të njohur për redaksinë) nga Winterthuri i Zvicrës e kanë pas një pizzeri dhe kanë falimentua me ta. A. është një hajn edhe huligan tipik. Qe 1 vit janë duke e kërcënua vëllaun tim dhe duan ti marrin pare për ta kaluar krizën personale financiare” fillon rrëfimin vëllau i biznesmenit pejan.

“Sot ne 4 ora te mëngjesit e kanë ruajt te diskoteka “Bolero” deri sa ka dalur jashtë. Kur ka hyp në kerr i kanë shkuar te dritarja dhe e ka gjuajtur me plumb te parë, vllau ka mundur ti jep gaz kerrit, por G. e ka gjuajtur edhe 4 herë me armë. Për fat te mirë nuk e ka kapur as një plumb, vazhdon rrëfimin Visari.

Ai më tej tregon se “vëllau im ka arritur të dal në autostradë ku aty ju ka ndal kerri për shkak te plumbave qe i ka marr. Vllau i im ka arritur te dal nga kerri dhe te mshefet ne një vend. Ne atë moment ka ardhur G. B. dhe ja ka vu flaken kerrit. A.B. dhe G. B. ndodhen ne Burg me akuzë paramendim vrasje. Lulzimi tash gjendet ne gjirin familjar dhe pas disa lëndimeve te lehta është mirë me shëndet” përfundon rrëfimin tronditës Visar Berisha nga Peja, vëlla i biznesmenit Lulzim Berisha.

Shqiptari i sulmuar u shpëton plumbave dhe zjarrit në automjetin e tij në Zvicër

Ngjarja e rëndë e paraqitur nga mediat zvicerane “si e denjë për skena hollivudiane", është regjistruar në Spreitenbach, përcjell botasot.info.

Të dy të dyshuarit në aksion janë 37 vjeçarë. I qëlluari menjëherë është arratisur me automjetin e tij në autostradën A1, ku i ka shpërthyer në zjarr, pak pas kalimit të tunelit Baregg në drejtimin të Bernit, shkruan nzz.ch.

Alarmi nga policia është marrë rreth orës 3.45, ku në vendngjarja pa se i sulmuari nuk ishte plagosur, përkundër gjithë fatkeqësive të kaluara, përcjell botasot.info.

Arrestohen të dyshuarit

Policia ka arritur të gjejë menjëherë gjuajtësin 37 vjeçar me banim në Cyrih, ndërsa i dyshuar është edhe një 43 vjeçar, si bashkëpunëtor. Të dy ndodhen prapa hekurave me masën e paraburgimit.

Deri tani nuk dihen motivet e sulmit dhe as arsyeja e shpërthimit të automjetit. Gjatë aksionit mbeti e bllokuar rruga drejt Bernit për gati një orë. Nga ora 6.30 rruga e bë e qarkullueshme

58 vjeçari Gëzim Agolli është vetëlidhur në shenjë proteste

hikusi — Sat, 20 Feb 2016 20:14:19 GMT

Ndonëse të ndarë ligjërisht ata kanë si pronë të përbashkët një shtëpi, por ish-bashkëshortja nuk e lejon atë të qëndrojë në banesë.

Vetë Agolli thotë se as policia nuk e ndihmon dot në këtë rast për shkak se ish-bashkëshortja ka njohje me njerëz me pushtet, transmeton noa.

"Këtu do vdes në shtyllë elektrike. Do kap trefazorin deri në vdekje. I dashuri gruas time fle këtu në shtëpi dhe unë rri rrugëve. Kam 11 muaj që rri rrugëve. E divorcova unë se e kapa në flagrancë me të dashurin e vet, me qeveritar. Kërkoj të futem në banesën time, kjo është banesa ime", ka thënë ai

Zelande e Re kërkon punëtorë: 150 euro/dita

hikusi — Fri, 19 Feb 2016 16:23:49 GMT

Zelenda e Re ka një problem në gjetjen e punëtorëve të vjeljes së frutave gjatë sezonit të tyre. Andaj autoritetet qeveritare kanë parashikuar ngritjen e një projekti për kërkimin e punëtorëve sezonalë prej jashtë, për të vjelur mollët, kivi dhe rrushit.

“Përfitimet nga ky biznes është 418 milion euro, ndërsa nevojiten rreth 2000 punëtorë sezonalë,” shkruajnë mediat e ishullit paqësor.

“Secilin vit kemi rritje të kërkesave dhe në vitin 2022 do të arrijmë vlerën prej një miliard dollarësh. Qeveria duhet të bëjë më shumë përpjekje për të tërhequr punëtorë sezonalë, qoftë me rritjen e mëditjeve, apo duke rritur kuotat për emigrantët”, tha Howard Fresh,nga „Fresh Harvest“ që punëson mijëra punëtorë sezonalë, përcjell botasot.info.

Autoritetet janë të vendosura që të marrin persona edhe me vizë turistike, vetëm që të mos bien në humbje.

Sa i takon pagesës, për nëntë orë në ditë, do fitohet 150 euro.

Shqiptari që fshehu 2 gratë dhe 7 fëmjët e tij, dëbohet nga Zvicra

hikusi — Sun, 07 Feb 2016 18:47:04 GMT

Ai ka qenë i martuar me një zvicerane, ndërkohë që ka shtatë fëmijë me gra të tjera. Gjyqi Federal ka vendosur: Ai duhet të largohet nga Zvicra.

Shqiptari nga Kosova ka ardhur në Zvicër në prill të 1999-tës, 24 vjeç, si azilkërkues. Një vit më vonë ai martohet me një zvicerane dyfish më të moshuar se ai.

Me këtë martesë, në 2005-ën e fiton lejen dhe vizën e qëndrimit në Zvicër. Por më 2011-ën kjo martesë prishet. Nuk dihet nëse fjala kishte qenë për një martesë fiktive. Ndërkaq, kjo është vetëm njëra pjesë e rrëfimit të «Neue Luzerner Zeitung», datë 3 shkurt 2016, duke iu referuar Gjyqit Federal.

Në prill të 2012-tës, protagonisti i saposhkurorëzuar, martohet me një grua nga Kosova, tani 36-vjeçare. Ish-azilkërkuesi kërkon t’i sjellë në Zvicër gruan dhe tre fëmijët me të, të lindur në vitet 2004, 2005 dhe 2009. Me këtë ai nxit dyshimin e autoriteteve sepse ai ishte bërë baba në Kosovë gjatë kohës kur kishte qënë i martuar, tani, me 67- vjeçaren zvicerane!

Enti për Migracion i kantonit Obwalden ia “djeg” atij vizën e qëndrimit në Zvicër dhe e dëbon shqiptari nga Kosova nga Zvicra. Sipas ligjit për të huajt, fshehja e fakteve qenësore në procedurën e rregullimit të dokumentacionit është një arsye për ta tërhequr të drejtën e qëndrimit në Zvicër.

Protagonisti e ankimon vendimin e kantonit në Gjyqin Federal, shkruan DP. Ky i fundit e konfirmon vendimin e autoriteteve të Obwaldenit. Ai gjykon që shqiptari nga Kosova ndoshta nuk do ta kishte fituar lejen e qëndrimit aty, sikur t’i kishte informuar hapur autoritetet kantonale për marrëdhënien e tij të ndërlikuar familjare. Por, kjo nuk nuk është e gjitha.

Gruaja nga Kosova nuk është e vetmja me të cilën ai kishte fëmijë!

Në vitet 2001 dhe 2012, protagonisti i ngjarjes ka banuar me një grua tjetër në të njëjtën banesë. Me këtë grua ai ka tre fëmijë të tjerë, të lindur në vitet 2002, 2005 dhe 2012. Tani del që kur ish-azilkërkuesi iu ishte drejtuar autoriteteve për lejen e vendosjes në Zvicër, ai nuk ka jetuar më me gruan e tij të moshuar zvicerane, ndonëse në Zvicër qëndronte falë asaj.

Në mënyrë të përmbledhur: Shqiptari nga Kosova për njëmbëdhjetë vjet ka qenë i martuar me një grua dukshëm më të moshuar se ai. Në të njëjtin hark kohor ai ka bërë me dy gra të tjera nga tre fëmijë. Kjo përsëri nuk është e tëra: Për më tepër, ai kishte edhe një fëmijë të shtatë në Gjermani. Dhe, këtë jetë paralele ai ua ka fshehur autoriteteve të kantonit të Obwaldenit.

E gjithë policia italiane në ndjekje të Audisë së verdhë, udhëtojnë tre shqiptarë të akuzuar për vrasjen e një gruaje

hikusi — Sat, 23 Jan 2016 19:33:55 GMT

Prej më shumë se 24 orësh e gjithë policia e veriut të Italisë është vënë në ndjekje të një Audi të verdhë. Sipas medias italiane në të udhëtojnë 3 shqiptarë, pjesëtarë të një bande grabitësish.

Kërkimet masive janë duke u bërë në autostradat e Venetos. Dyshohet se Audi është vjedhur në zonën e Tichinos në Zvicër dhe ka hyrë në Itali.

Për herë të fundit, makina është parë në provincën e Vicencas, ku policia beson se e kanë bazën 3 shqiptarët që besohet se janë në makinë.

Ata janë nën akuzë për disa grabitje, njëra prej të cilave ka përfunduar me vdekjen e një gruaje. Ata kanë qenë duke bërë një grabitje kur janë pikasur.

Gjatë largimit tre shqiptarët besohet se kanë qëlluar me armë edhe ndaj policisë.