Agron Haradinaj e Xhemshit Krasniqi na morën të na ekzekutonin

Ne na kanë sjell në Prizren në internat të vajzave, atje ku kanë qenë UÇK-ja. Atë ditë erdhën Ushtria e KFOR-it gjerman, dhe ua hoqën rrobat e UÇK-së dhe ua morën armatimin krejt. Dhe neve na than, hajdeni ju poshtë se jeni liruar, dilni.

Ymer Ymeri ka vazhduar rrëfimin e tij, se si u ishte premtuar se do të lirohen nga burgu, mirëpo disa persona, si Xhemshit Krasniqi dhe Agron Haradinaj, i kanë marrë për pushkatim. Ai thotë se falë Haki Drenicës kanë shpëtuar dhe janë kthyer sërish në burg.
"Neve na ka shpëtuar Haki Drenica, Haki Hajdari, sepse ai ishte një komandant në atë kohë. Haki Hajdari me të vërtetë nuk na ka ndarë me bukë, na ka dhënë bukë si neve si ushtarëve. Edhe në një rast, kanë ardhur për të na marrë, dhe ka qenë edhe Xheladini i Pejës me neve, kanë ardhë me na marrë me na pushkatuar, mua, Fahredin Gashin dhe Xheladin Beqirin, dhe na kanë lidhur dorë për dorë dhe na kanë dërguar në Krumë. Dhe atë ditë na ka marrë Xhemshit Krasniqi, i cili është në arrati, e kërkon Eulex-i, edhe Agron Haradinaj, na kanë marrë për të na pushkatuar. Falë Zotit edhe Haki Drenicës, i cili ka dalë dhe është ngatërruar me të, i ka thënë se i keni marrë njerëzit atje edhe na kthyer prapë atje ku kemi qenë në burg”, tregon Ymeri.