Babi unë po mbytem. Është kjo fjalia e fundit që Jeta e vogël i tha babait të saj, pak sekonda para se të mbytej në ujërat e liqenit Shtares .
Ngjarja ndodhi dje në liqenin Shatres të fshatit Vuthaj të Malit të Zi.
Jeta Kukaj, 10 vjeçare ishte bashkë me babain e saj 2 motrat, vëllaun dhe dy vajzat e hallës në liqen për të përballuar temeraturat e nxehta të kësaj vere. Por askush nuk e kishte menduar se jeta e Jetës do shuhej pikërisht aty.
Rrezik jete ishin edhe dy motrat e viktimës, Elita (14 vjeç) dhe Eliza (12 vjeç). Ato të trija përnjëherëshi kishin kërkuar ndihmën e babait për të dalur nga uji.
Babai kishte shpejtuar për tu ardhur në ndihmë, por siç rrëfen për infoGLOBI-n një bashkëfshatar i viktimës i cili preferon të mbetet anonim "sa herë që Ganiu (babai i viktimës) shkelte në tokë ai vetëm zhytej më poshtë”.
"Në ndihmë u kishte ardhur njëra nga kushërirat e cila u kishte zgjatur një shkop, por kur kanë dalur në breg, aty kanë vërejtur se Jeta e vogël mungonte” rrëfen bashkëfshatari.
Ganiu kishte hyrë përsëri në ujë për të kërkuar vajzën. Pas pak minutash e kishte gjetur trupin e Jetës dhe menjëherë e ka dërguar në spitalin më të afërt. Por tentimi për ta kthyer në jetë ishte i kotë. Jeta kur kishte arritur në spital veç se ishte pa shenja jete.
|